Førebygging, tidleg innsats og helsefremming

Hyllestad kommune har ledig 60 % fast stilling for arbeid med førebygging, tidleg innsats og helsefremming.

Arbeidsområdet vil vere i helse og oppvekst. Stillinga inngår i helseavdelinga, med einingsleiar helse som næraste overordna.

Hyllestad skal vere ein god kommune å vekse opp i, og vi skal ha eit tverrfagleg og samanhengande tenestetilbod for barn, unge og deira familiar.Tidleg innsats og førebyggande arbeid er i fokus. Stillinga handlar om førebyggande og helsefremmande arbeid i samsvar med nasjonale retningslinjer og veiledarar.

Arbeidsoppgåver

• Samarbeide på systemnivå med blant anna skule om arbeids- og læringsmiljø, kartlegge, planlegge og organisere tiltak i samarbeid med andre faggrupper og tenester.
• Vidareutvikle rutinar og praksis for førebygging, tidleg innsats og samarbeid for utsette barn, unge og unge vaksne
• Følge nasjonal fagleg retningslinjer for samarbeid om tenester til barn, unge og deira familiar,  samt for det helsefremmande og førebyggande arbeidet i helsestasjon, skulehelsetenesta og helsestasjon for ungdom.
• Oppsøkande verksemd, bygge nettverk og drive miljøarbeid for barn, ungdom og familiar.
• Helseinformasjon, helserettleiing, styrke trua på eiga meistring individuelt/ i gruppe
• Kognitiv terapi/ psykologisk førstehjelp individuelt og/eller i gruppe
• Barnekoordinator med rettleiingsansvar for koordinatorar i kommunen.

 Kvalifikasjonar

• Offentleg godkjent sjukepleiar
• Relevant vidareutdanning innan førebyggande og helsefremmande arbeid
• Erfaring og kompetanse med motiverande intervju, kognitiv terapi, el liknande vil vere ein fordel.
• Erfaring frå rehabilitering og/eller habilitering
• God kjennskap til korleis kommunale tenester er organisert og fungerer
• God munnleg og skriftleg framstillingsevne
• Førarkort klasse B

Personlege eigenskapar:

• Engasjement for førebyggande og helsefremmande arbeid
• Evne til sjølvstendig arbeid og samhandling i team
• Interesse for tverrfagleg arbeid
• Interesse og initiativ til å delta i fagutvikling og kvalitetssikring av tenesta
• Gode ferdigheiter med å bruke IT i fagleg dokumentasjon og som arbeidsverktøy

Kvifor søkje hos oss?

• Meiningsfulle og varierte arbeidsoppgåver i eit tverrfagleg miljø ventar for den rette kandidaten
• Team- og saksrettleiing
• Moglegheit til å påverke eigen arbeidsdag og utvikle eigen kompetanse

I tillegg vert du medlem i KLP, eit av landets beste pensjonsordningar.  Les gjerne meir om medlemsfordelane i KLP

Kvifor Hyllestad?

Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar.  Og - her er plass til fleire, kanskje akkurat deg?

Vi har rimelege barnehageplassar, ledige byggeklare tomter med flott utsikt og gode solforhold og fritids- og aktivitetstilbod for både store og små.

Har du lyst å lese meir om livet i Hyllestad, sjekk ut Hyllestadinfo

Kontakt

Fleire opplysningar om stillinga kan du få hos einingsleiar Linda Dalsøren Meier på telefon 577 89 513 eller 417 68 401

Vi har eit godt arbeidsmiljø i avdelinga og på huset, felles lunsj i kantina og kollegatrim ein gang i veka.  Er du treningsentusiast får du gratis tilgang til treningsstudio i idrettshallen vår.  

Vi ser fram til søknaden din!

Om du har lyst til å vere med oss på laget - ikkje nøl, send oss ein søknad.  Vi gledar oss til den dukkar opp i innboksen vår!

Relevante lenkjer

• Hyllestad kommune som framtidig arbeidsgjevar
• Hyllestadinfo
• Informasjon om bustadtilskot til førstegangsetablerarar
• Sjå film om den fine kommunen vår!

Sjå andre ledige stillingar i Hyllestad på arbeidsplassen.no