Hyllestad kommune Oppvekst, kultur og idrett

Barnehagestyrar Hyllestad barnehage

Vi søkjer etter barnehagestyrar til Hyllestad barnehage. Stillinga er ei fast stilling i 100 % og ledig frå 1.8.2025.

Hyllestad barnehage dekkar heile kommunen, og har p.t. 18 plassar for barn 0-3 år og 32 plassar for barn 2-6 år. Barnehagen har eigen styrar og kvar avdeling har to pedagogar og to fagarbeidarar. Dei tilsette innehar lang erfaring og mykje kompetanse frå barnehagearbeid.

Kvifor søkje hos oss?

Du får vere med å vidareutvikle barnehagen i kommunen
Du får bidra inn i tema vi jobbar med no; Leikemiljø og språkforstyrring
Du får møte mange kjekke barn og moglegheit til å leike litt kvar dag
Du får vere med å bidra i eit godt fellesskap, med gode kollegaer og godt arbeidsmiljø
Du får arbeide i ein flott barnehage som ligg fint til ved sjøen og nærleik til naturområder
Leikeområdet ute er nyleg oppgradert
Vi har fått ny personalgarderobe no i 2025

I tillegg vert du medlem i KLP, ei av landets beste pensjonsordningar. Les gjerne meir om medlemsfordelane i KLP

Kvifor Hyllestad?

Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar. Og - her er plass til fleire, kanskje akkurat deg?

Har du lyst å lese meir om livet i Hyllestad, sjekk ut Hyllestadinfo

Som barnehagestyrar vil du vere barnehagen sin faglege og administrative leiar, og dine daglege arbeidsoppgåver vil mellom anna vere:

Dagleg drift av barnehagen, med budsjett- og personalansvar
Sikre oppfølging av barna i tråd med barnehagelova, rammeplan og gjeldande føresegner
Fremje utviklingsarbeid, rettleie og støtte personalet
Sikre ein effektiv organisasjon med eit godt arbeidsmiljø
Fremje eit godt samarbeid med foreldre/foresatte

Andre oppgåver kan kome i tillegg og oppgåvene kan endre seg etter behov.

Vi ønskjer at du har

bachelorgrad som barnehagelærar, helst gjennomført styrarutdanning og gjerne erfaring frå kommunal verksemd. Annan pedagogisk utdanning på høgskulenivå kan vurderast. I tillegg bør du ha økonomisk forståing og gode digitale ferdigheiter.

Personlege eigenskapar for stillinga er viktig, du må vere glad i barn og oppteken av deira utvikling og trivsel. Vi har barna sitt beste i fokus!
Du er god til å inspirere og rettleie tilsette for fagleg og personleg utvikling, tenkjer langsiktig og ser moglegheiter og iverksetter desse.

God evne til å kommunisere er viktig, både munleg og skriftleg. Du må framvise tilfredsstillande politiattest før tiltreding.

Kontakt

Fleire opplysningar om stillinga kan du få hos kommunalsjef oppvekst Hildegunn Hatlem, tlf. 958 89 997 eller barnehagestyrar Rigmor Strømskag Dale, tlf. 995 16 568.

Hos oss vil du få ein gjeng med gode kollegaer som kan faget sitt, og som ønskjer å lære vekk sin kompetanse - samstundes som dei vil lære av deg. Du får også gratis tilgang til treningsstudio i idrettshallen vår som kommunalt tilsett.