Lærar - vikariat vår 2025

Hyllestad skule har ledig eit vikariat i 100 % stilling som lærar frå snarast og ut skuleåret 2024/25.

Vi søkjer hovudsakleg nokon som kan ta basisfaga norsk, matematikk og engelsk på barnesteget.

Arbeidsoppgåver

• Planlegging, gjennomføring og oppfølging av læringsarbeid
• Bidra til eit trygt, godt og inkluderande læringsmiljø for elevane våre
• Oppfølging av elevar og kontakt med føresette
• Samarbeid i team
• Deltaking i skulen sine utviklingsprosessar

Kvalifikasjonar

• Godkjent lærarutdanning
• Helst minimum 30 stp i aktuelle fag
• Erfaring og god kompetanse i bruk av digitale læringsverktøy
• Undervisningserfaring er ein fordel
• Gode samarbeids- og kommunikasjonsevner

Hyllestad kommune ligg ytst i Sognefjorden og er ein liten kommune med ein grunnskule. Vi søkjer etter motiverte medarbeidarar som er kompetente, opne, til å lite på og samfunnsengasjerte. Kvalitet i tenesta vert til gjennom godt arbeidsmiljø og mangfald blant tilsette.

Skulen ligg i sentrum av Hyllestad, ovanfor kommunehuset, i enden av Åfjorden. Vi har nydeleg utsikt utover fjorden og til det mektige Lifjellet, skulen har kort veg til fjæra, enkelte fjelltoppar og til Kvernsteinsparken. Sistnemnde er også undervisningsarena for 7.kl. ein halv dag i veka. 

Vi har eit mangfaldig læringsmiljø med fokus på inkluderande skulemiljø, læreplan og vurdering for meistring. Skulen har ca. 115 elevar fordelt på 1. - 10.trinn. 

Visjonen vår er "Gjere for å lære - saman i trivsel og tryggleik"

Velkomen som søkjar!